علامك جيت ياقلبي وراجع وخاطرك مكسور
ابدلا ينكسر خاطرك دامه صاحبي جاير
ابي تنسى مبادئنا وتترك طبعناالمغرور
ابي هاللحين ترجع له وقله يطلب ويامر
وإذا جت عينك بعينه ابي تشهد شهاده زور
بأني مذنب ومخطي وقلبه ناسي وغافر
وقله لايخليني على حزني ابات شهور
لان الموت اشوالي وانا من طبعي مكابر
احس الي خلق زينه خلق باقي البشرديكور
وصوفه صعب نحصرها ولاتطري على شاعر
وربي هالبشر بعده هياكل والبيوت قبور
ولا به شي بالدنيا يجاري غيابه الكافر
انا من كثر ماحبك احس إني معك مسحور
فديتك خلني مسحور إذاتبقى لي الساحر
انا لك مثل ماودك قصيد وشاعره وجمهور
فداك الي اللي قصدته أمس واللي بقصده باكر
اناادري فيك خابرني شجاعه وماعلي قصور
ولاكن لو وصل امري بيدك ....آآآه ياساتر
امانه روح ياقلبي وابي تضبط عليه الدور
امانه طيييير له تكفى وابي هالحين ياشاطر
ابيك تحب لي راسه وننسى طبعنا المغرور
ترانا اثنيننا والله بدونه نكسر الخاطر
السبت يوليو 14, 2012 5:55 am من طرف 
